زول سوداني
زول سوداني مامنكور
علم بارز وفينا نقول
ود بلد فارس
حير فينا عقول
شهامه وجود
وبالكرم مخبور
الفارس سيد البلد
ليك سلام
افعالك تشهد
تدينا انحن هيام
في دربك الساير
ابدا في يوم مليت
لا قلت تعبت
من العمل عانيت
لابتعرف هوان
لا في يوم بتخازل
سيد الكرم والجود
تشهدليك منابر
وما اظن في الكون
زول يماثلك حاضر
وابدا ما غريبه عليك
الصفات الحلوه
من بلد الكرام
الجزيره الغره
الطيبه والاخلاق
والعشره فيهم ثره
مشهودين بالكرم
والشهامه الحره
ود ناس عزاز
فيهم مكارم الحله
والجود بيفتخر
بنسبو فارقه الزله
منو الغيرك بيقدر
يصنع اسم عالي
سيد الكرم والجود
تنفق كمان طوالي
لا بتبخل يوم
ولاحتى بس بتبالي
واصبح فريقنا مهاب
في سمانا دايما عالي
الوالي سيد الاسم
اديتنا انحن مكانه
في عصرك الذهبي
مريخنا اصبح بانه
رصعت العقد
بالجوهر والمرجان
واصبح حديث الناس
والكل في الميدان
مريخ الوالي
ليه التحيه سلام
زول سوداني ما منكور
علم بارز
وفينا نقول
ودبلد فارس
حير فينا عقول
شهامه وجود
وبالكرم مخبور
/الشاعر الحاج عبدالله محمد حسن
هذه القصيد نظمتها بمناسبة فوز الدكتور جمال الوالي بجائزة اكثر رؤساء الانديه العربيه شعبييه وهو اهلا لهذا الاختيار الذي صادف اهله
الجمعة يونيو 20, 2014 10:01 pm
